Have A Good Look At The Delhi Metro....

Crossing Of The Metros......

Development Differentiabe....

Dedicated To My Friends - Titled 'Yaaron Dosti'

Raah Dekhi Thi Is Din Ki Kabse

Aage Ke Sapne Na Jaane Saja Rakhe The Kabse

Bade Utawale The Jaane Ko

Zindagi Ka Agla Padhav Paane Ko

Par Na Jaane Kyu Dil Mein Aaj Kuch Khayaal Aata Hai

Waqt Ko Rokne Ka Jee Chahta Hai

Jin Baaton Ko Lekar Rote The

Aaj Unpar Hasi Aati Hai

Na Jaane Kyu Aaj Un Palo Ki Yaad Bahut Satati Hai

Kaha Karta Badi Mushkil Se Do Saal Seh Gaya

Par Aaj Na Jaane Kyu Lagta Hai Ki Kuch Peeche Reh Gaya

Kahi Ankahi Hazaaron Baatein Reh Gayi

Na Bhoolne Wali Kuch Yaadein Reh Gayi

Meri Taang Ab Kaun Kheecha Karega

Sirf Mera Sir Khane Ko Kaun Mera Picha Karega

Jahan Do Hazaar Ka Hisaab Nahi Wahan Do Do Rupay Ke Liye Kaun Ladega

Kaun Raat Bhar Jaag Kar Saath Padhega

Kaun Mera Lunch Mujhse Puche Bina Khayega

Kaun Mere Naye Naye Naam Banayega

Main Ab Bina Matlab Ke Kisse Ladunga

Bina Topic Ke Kisse Faltu Mein Bakwaas Karunga

Kaun Kaun Fail Hone Par Dilasa Dilayega

Kaun Galti Se Number Aane Par Gaaliyan Sunayega

Park Mein Baith Ke Slice Kiske Saath Piyunga

Wo Hasin Pal Kiske Saath Jiyunga

Aise Dost Kahan Milenge

Jo Khai Mein Bhi Dhakka De Aaye

Par Phir Tumhe Bachane Khud Bhi Kood Jaaye

Meri Ghazalon Se Pareshaan Kaun Hoga

Kabhi Mujhe Kisi Ladki Se Baat Karte Dekh Hairaan Kaun Hoga

 Kaun Kahega Bhatia Tere Joke Par Hasi Nahi Aati

Kaun Piche Se Bula Ke Kahega Aage Dekh Bhai

Football Main Kiske Saath Khelunga

Kiske Saath Boring Lecture Jhelunga

Professor Ke PJ Pe Rakshas Ki Tarah Kaun Hasega

Match Mein Shart Haarne Wale Ki Treat Is Chakkar Mein Ab Kaun Fasega

Mere Certificates Ko Raddi Kehne Ki Ab Himmat Kaun Karega

Bina Darre Sachchi Raye Dene Ki Ab Himmat Kaun Karega

Stage Par Ab Kiske Saath Jaunga

Juniors Ko Faltu Ke Lecture Kaise Sunaunga

Achanak, Bina Matlab Ke, Kisi Ko Bhi Dekhkar Paagalon Ki Tarah Hasna

Na Jaane Ye Phir Kab Hoga

Keh Do Doston Dobara Sab Hoga

Doston Ke Liye Professor Se Kab Ladh Paayenge

Kya Yeh Din Phirse Aa Paayenge

Raat Ko Do Baje Paraanthe Khane Kon Jaayega

3 Glass Lassi Pine Ki Shart Kaun Lagayega

Kaun Meri Kabiliyat Par Mujhe Bharosa Dilayega

Aur Zyada Udne Par Zamin Pe Laayega

Meri Khushi Mein Sach Mein Khush Kaun Hoga

Mere Gham Mein Mujhse Zyada Dukhi Kaun Hoga

Meri Kavita Kaun Padhega

Kaun Ise Sach Mein Samjhega

Bohot Kuch Likhna Abhi Baaki Hai

Kuch Saath Shayad Baaki Hai

Bas Ek Baat Se Darr Lagta Hai Doston

Hum Ajnabi Na Ban Jaaye Doston

Zindagi Ke Rangon Mein Dosti Ka Rang Phika Na Padh Jaaye

Kahin Aesa Na Ho Dusre Rishton Ki Bheed Mein Dosti Dum Todd Jaaye

Zindagi Mein Milne Ki Fariyad Karte Rehna

Agar Na Mil Sake To Kam Se Kam Yaad Karte Rehna

Chahe Jitna Has Lo Aaj Mujhpar Main Bura Nahin Maanunga

Is Hasi Ko Apne Dil Mein Basa Lunga

Aur Jab Yaad Aayegi Tumhari Yahi Hasi Lekar Thoda Muskuralunga

Anmol Hai Mera Naam

Aur Yeh Tha Mere Doston Ke Liye Ek Chota Sa Pehgaam….

-Anmol

Two Lonely Benches Talking To Each Other...

Explode The Nature...

Explode The Nature.....

Touching The sky At 35,000 Feet.....

Touching The Sky At 35,000 Feet....